Республикæ Цæгат Ирыстон-Аланийы
ЗАКОН
РЦИ – Аланийы
паддзахадон хæрзиуджыты тыххæй
Ацы закъон
РЦИ – Аланийы Конституцимæ гæсгæ, бæлвырд кæны РЦИ – Аланийы паддзахадон
хæрзиуджытæй хорзæхджын кæныны фæткы барадон æмæ организацион бындуртæ.
1 статья.
РЦИ – Аланийы паддзахадон хæрзиуджытæ.
РЦИ – Аланийы
паддзахадон хæрзиуджытæ (дарддæр — паддзахадон хæрзиуджытæ) нымад сты
паддзахадон арæзтады, экономикæйы, наукæйы, культурæйы, аивады,
хъомылады, ахуырады, адæмы æнæниздзинад, цард æмæ барты хъахъхъæнынады
хæрзаудæн архайды сæрмагонд æнтыстдзинæдты, фæллойадон сгуыхтдзинæдты
æмæ РЦИ – Аланийы раз æндæр æнтыстдзинæдты тыххæй хорзæхджын кæныны
фæткы уæлдæр хуызыл.
2 статья. Паддзахадон
хæрзиуджыты къабазы архайд æххæстгæнæг паддзахадон хицаудзинады оргæнтæ.
1. РЦИ – Аланийы
Сæргълæууæджы курдиатмæ гæсгæ РЦИ – Аланийы Парламент фидар кæны
РЦИ – Аланийы паддзахадон хæрзиуджытæ æмæ кадджын нæмттæ.
2. РЦИ – Аланийы
Сæргълæууæг:
паддзахадон
хæрзиуæгмæ бавдисыны фæтк, фидар кæны;
паддзахадон
хæрзиуджытæй схорзæхджын кæныны тыххæй Указтæ уадзы;
паддзахадон
хæрзиуджытæ дæтты;
РЦИ – Аланийы
кадджын нæмттæ дæтты;
схорзæхджын кæныны
тыххæй æрмæджытæн æхсæнадон аргъ скæнынæн æмæ адæмы схорзæхджын кæныны
хъуыддаджы æнæхиндзинадæн фадæттæ саразынæн РЦИ – Аланийы Сæргълæууæджы
цур Паддзахадон хæрзиуджыты фæдыл кьамис аразы.
РЦИ – Аланийы
Сæргълæууæджы фæдзæхстмæ гæсгæ æмæ йæ номæй паддзахадон хæрзиуджытæ
дæттыны бар ис РЦИ – Аланийы паддзахадон хицаудзинады оргæнты
разамонджытæм æмæ æндæр хицауиуæггæнæг адæймæгтæм.
3 статья. Паддзахадон
хæрзиуджыты системæ.
Паддзахадон
хæрзиуджытыл нымад сты:
1) РЦИ – Аланийы
майдантæ:
«Кады Нысан»;
«Ирыстоны
Намысæн»;
2)РЦИ – Аланийы
Кадджын нæмттæ:
«РЦИ – Аланийы
сгуыхт металлург»;
«РЦИ – Аланийы
сгуыхт аразæг»;
«РЦИ – Аланийы
промышленносты сгуыхт кусæг»;
«РЦИ – Аланийы
хъæууон хæдзарады сгуыхт кусæг»;
«РЦИ – Аланийы
транспорты æмæ фæндаггон хæдзарады сгуыхт кусæг»;
«РЦИ – Аланийы
цæрæнуæтты-коммуналон хæдзарады сгуыхт кусæг»;
«РЦИ – Аланийы
паддзахадон граждайнаг службæйы сгуыхт кусæг»;
«РЦИ – Аланийы
сгуыхт экономист»;
«РЦИ – Аланийы
сгуыхт юрист»;
«РЦИ – Аланийы
сгуыхт эколог»;
«РЦИ – Аланийы
адæмы цардыуаджы лæггæдты сгуыхт кусæг»;
«РЦИ – Аланийы
базарады сгуыхт кусæг»;
«РЦИ – Аланийы
физикон культурæ æмæ спорты сгуыхт кусæг»;
«РЦИ – Аланийы
наукæйы сгуыхт архайæг»;
«РЦИ – Аланийы
сгуыхт дохтыр»;
«РЦИ – Аланийы
æнæниздзиад хъахъхъæнынады сгуыхт кусæг»;
«РЦИ – Аланийы
адæмы социалон хъахъхъæнынады сгуыхт кусæг»;
«РЦИ – Аланийы
сгуыхт ахуыргæнæг»;
«РЦИ – Аланийы
ахуырады сгуыхт кусæг»;
«РЦИ – Аланийы
адæмон артист»;
«РЦИ – Аланийы
адæмон нывгæнæг»;
«РЦИ – Аланийы
адæмон фыссæг (поэт)»;
«РЦИ – Аланийы
сгуыхт артист»;
«РЦИ – Аланийы
сгуыхт нывгæнæг»;
«РЦИ – Аланийы
аивæдты сгуыхт архайæг»;
«РЦИ – Аланийы
культурæйы сгуыхт кусæг»;
3) РЦИ – Аланийы
Кады грамотæ.
4 статья.
РЦИ – Аланийы майдантæ.
1. РЦИ – Аланийы
майдантæ «Ирыстоны Намысæн» æмæ «Кады Нысан» нымад сты уæлдæр
паддзахадон хæрзиуджытыл.
«Майдан «Ирыстоны
Намысæн»-æй адæмты хорзæхджын кæнынц РЦИ – Аланийы райрæзтимæ,
фæллойадон æнтыстдзинæдтимæ, адæмты æхсæн сабырдзинад, хæлардзинад æмæ
æмгуыстад фидар кæныны хъуыддагимæ баст чи у, республикæйы раз уыцы стыр
æнтыстдзинæдты, стæй РЦИ – Аланийы адæмы хъахъхъæныны хъуыддагмæ стыр
æвæрæн бахæссыны тыххæй.
Майдан «Кады
Нысан»-æй адæмы хорзæхджын кæнынц, адæмы цард бæлвырд фæхуыздæр кæныны
фадат кæй фæрцы уыд, паддзахадон, куыстадон, наукон-иртасæн,
социалон-культурон, æхсæнадон æмæ хæрзаудæн архайды уыцы стыр
æнтыстдзинæдты, дæсны кадртæ цæттæ кæныны, рæзгæ фæлтæр хъомыл кæныны,
стæй закъонад æмæ барадон фæтк хъахъхъæныны хъуыддагмæ æвæрæн бахæссыны
тыххæй.
2. РЦИ – Аланийы
майдан дарынц риуы галиу фарсыл, æмæ адæймагмæ Уæрæсейы Федерацийы æмæ
ССР Цæдисы ордентæ æмæ майдантæ кæд ис, уæд æй бафидар кæнынц уыдоны
фæстæ.
5 статья.
РЦИ – Аланийы кадджын нæмттæ.
1. Кадджын ном
«РЦИ – Аланийы сгуыхт металлург дæттынц:
металлургийы
продукци рауадзыны, йæ хъæд фæхуыздæр кæныны куысты æмæ фæллойы
æнтысындзинады бæрц фæфылдæр кæныны хъуыддаджы стыр бæрæггæнæнтæ кæй
къухы бафтыд, стæй сæйраг металлургон агрегаттыл æппынкъаддæр 10 азы чи
кусы, уыцы дæсны кусджытæн æмæ мастертæн;
техникæ æмæ
технологи нывыл кæныны, стæй куыстадæн фадæттæ аразыны хъуыддаджы
уæлдайдæр чи фесгуыхт, хæрзхъæд продукци рауадзыны, фæллойы
æнтысындзинад, æмæ куыстады ахадындзинад фæфылдæр кæныны хъуыддагмæ стыр
æвæрæн чи бахаста, стæй кьабазы æппынкъаддæр 15 азы чи кусы,
металлургийы куыстуæтты, иугæндты, наукон-иртасæн,
проектон-конструкторон æмæ æндæр кусæндæтты уыцы кусджытæн, мастертæн
æмæ инженерон-техникон кусджытæн;
техникæ,
технологи, куыстадæн æмæ фæллойæн фадæттæ аразыны стæй металлургион
промышленностæн кадртæ цæттæ кæныны куыстмæ стыр æвæрæн чи бахаста,
куыстуæтты, ахуыргæнæндæтты, наукон-иртасæн, проектонконструкторон æмæ
æндæр кусæндæтты æппынкъаддæр 15 азы чи кусы, уыцы дæсны наукон æмæ
наукон-педагогон кусджытæн.
2. Кадджын ном
«РЦИ – Аланийы сгуыхт аразæг» дæттынц арæзтады, æмæ арæзтадон æрмæджыты
рауагъды индустрийы дæсны кусджытæн, арæзтадон, наукон-иртасæн,
проектон, монтажон æмæ æндæр кусæндæтты æппыкъаддæр 15 азы бакусæг
адæмæн, куыстадон архайды, раззаг проекттыл, технологитыл æмæ куыстæн
фадæттæ аразыны фæлтæрддзинадыл бакусыны, куыстады æмæ
арæзтадон-монтажгæнæн куыстыты хъæд ахадындзинад фæнывыл кæныны
хъуыддаджы сгуыхтдзинæдты, архитектурæйы райрæзты, горæтаразæн къабазы
стыр сфæлдыстадон архайды, сæрмагонд æнтыстдзинæдты, ахъаззагыл нымад
нырыккон граждайнаг, промышленнон æмæ хъæууон архитектурон комплекстæ
æмæ бæстыхæйттæ саразыны тыххæй.
3. Кадджын ном
«РЦИ – Аланийы промышленносты сгуыхт кусæг» дæттынц:
промышленносты
æппæт къабæзты (уыимæ энергетикæйы, бастдзинады, хомагкусæг
промышленносты æмæ хъæды хæдзарады) куыстуæтгы æппынкъаддæр 15 азы чи
бакуыста, стæй куыстадон пълантæ æмæ продукцийы рауагъд фæпарахат кæныны
фæдыл проекттæ афойнадыл æмæ хæрзхъæдæй æххæст кæныны, фæллойы
æнтысындзинад æмæ куыстады ахадындзинад фæфылдæр кæныны, уагъд
продукцийы хиаргъ фæаслам кæныны, наукæ æмæ техникæйы раззаг
технологитæй куыстады пайда кæныны, материалон-техникон бындур фидар
кæныны æмæ нывыл экологион уавæртæн фадæттæ саразыны хъуыддаджы
уæлдайдæр чи фесгуыхт, уыцы дæсны кусджытæн æмæ хицауиуæггæнæг
адæймæгтæн;
бирæ азты дæргъы
æнтыстджынæй æрхъуыдыгæнæн, кæнæ рационализаторон куыст чи æххæст кæны,
уыцы кусджытæн æмæ инженерон-техникон специалисттæн, стыр экономикон
пайда чи дæтты, наукон-техникон прогресс фæрæвдз кæнынæн, фæллойы
æнтысындзинад фæфылдæр кæнынæн, продукцийы хъæд, фæллойы æмæ æдасдзинады
техникæйы уавæртæ стæй экологион уавæр фæхуыздæр кæнынæн чи ахъаз кæны,
ахæм ахсджиаг æрхъуыдыдзинæдты æмæ рационализаторон фæндæтты тыххæй.
4. Кадджын ном
«РЦИ – Аланийы хъæууон хæдзарады сгуыхт кусæг» дæттынц, хъæууон
хæдзарады къабазы æппынкъаддæр 15 азы чи кусы, хъæууон хæдзарады уыцы
дæсны кусджытæн (уыимæ зæхкусджыты, фермерты хæдзарæдты æмæ
наукон-иртасæн кусæндæтты кусджытæн, хъæууонхæдзарæдты куыстадæн фадæттæ
саразæг адæмæн) хъæууонхæдзарадон культурты фосдарынады, маргъдарынады
æмæ мæры бæркад фылдæр кæныны, стæй паддзахадæн æмæ адæмæн хæрзхъæд
хъæууонхæдзарадон продукци уæй кæныны хъуыддаджы æнтыстдзинæдты тыххæй.
5. Кадджын ном
«РЦИ – Аланийы транспорты æмæ фæндаггон хæдзарады сгуыхт кусæг» дæттынц,
уæлдæфон, æфсæнвæндаджы, автомобилон æмæ транспорты æндæр хуызты, стæй
фæндаггон хæдзарады къабазы æппынкъаддæр 15 азы чи бакуыста, уыцы дæсны
кусджытæн куыстады ахадындзинад фæуæлдæр кæныны, транспортон фæрæзтæй
хуыздæр пайда кæныны, ласæггæгты хиаргъ фæаслам кæныны, транспортон
лæггæдты хъæд фæуæлдæр кæныны, материапон авналæнтæ æмæ артаг фæстауæрц
кæныны æмæ фæндæгты арæзтады æдасдзинадæн фадæттæ аразыны хъуыддаджы
æнтыстдзинæдты тыххæй.
6. Кадджын ном
«РЦИ – Аланийы цæрæнуæтты-коммуналон хæдзарады сгуыхт кусæг» дæттынц,
цæрæнуæтты-коммуналон къабазы куыстуæтты, кусæндæтты æмæ иугæндты
æппынкъаддæр 15 азы чи кусы, уыцы дæсны кусджытæн адæмæн цæрæнуæтты æмæ
коммуналон лæггæдтæ æххæст кæныны, коммуналон хæдзарады æнæкъуылымпы
куыстæн, дон сыгъдæг кæныны æмæ донæй æфсадыны куыстæн, тæвдгæнæн æмæ
рухсгæнæн службæйæн, цæрæнуæтты фонд бахъахъхьæнынæн фадæттæ саразыны,
æнæнхъæлæджы уавæрты фæстиуджытæ аиуварс кæныны, кадрты цæттæкæнынады
къæпхæн фæуæлдæр кæныны хъуыддаджы сгуыхтдзинæдты, стæй куыстады
автоматизацийæ æмæ фæллойы механизацийæ пайда кæныны фæдыл зæрдиаг
архайды тыххæй.
7. Кадджын ном
«РЦИ – Аланийы паддзахадон граждайнаг службæйы сгуыхт кусæг» дæттынц,
паддзахадон хицаудзинады оргæнты æппынкъаддæр 25 азы чи бакуыста,
паддзахадон граждайнаг службæйы уыцы дæсны кусджытæн куысты хæстæ
æнтыстджынæй æмæ æнаиппæй æххæст кæныны, дæргъвæтин æмæ æнæзæрдæхудт
службæйы, конституцион арæзт закъонад æмæ барадон фæтк хъахъхъæныны стæй
уæлдай ахсджиагдæр æмæ зындæр хæслæвæрдтæ æххæст кæныны тыххæй.
8. Кадджын ном
«РЦИ – Аланийы сгуыхт экономист» дæттынц, дæсныйадмæ гæсгæ æппынкъаддæр
15 азы чи бакуыста куыстуæтты, кусæндæтты, паддзахадон хицаудзинады æмæ
бынæттон хиуынаффæйады оргæнты, уыцы дæсны кусджытæн экономикæйы æмæ
финансон архайды, экономикон наукæйы, райрæзты æмæ кадртæ цæттæ кæныны
хъуыддаджы стыр сгуыхтдзинæдты тыххæй.
9. Кадджын ном
«РЦИ – Аланийы сгуыхт юрист» дæттынц, дæсныйадмæ гæсгæ æппынкъадæр 15
азы чи бакуыста, уыцы дæсны юристтæн закъонад æмæ барадон фæтк фидар
кæныны, адæмы бартæ æмае закъонон интерестæ хъахъхъæныны, юридикон
наукæты райрæзты æмæ юридикон кадртæ цæттæ кæныны хъуыддаджы
æнтыстдзинæдты тыххæй.
10. Кадджын ном
РЦИ – Аланийы сгуыхт эколог» дæттынц, алфамблай æрдз хъахъхъæнынады æмæ
æрдзæй ахадгæ пайдакæнынады къабазы æппынкъаддæр 15 азы чи бакуыста,
æрдзхьахъхъæнæг оргæнты, уыцы дæсны кусджытæн, ахуыргæндтæн, экологион
фарстатæ лыггæнæг куыстуæтты æмæ кусæндæтты кусджытæн æрдзон æвæрæнтæ,
зайæгойтæ æмæ цæрæгойтæ бахъахъхъæныны, стæй сыгъдæггæнæн фæрæзты
арæзтады хъуыддажы сгуыхтдзинæдты тыххæй.
11. Кадджын ном
«РЦИ – Аланийы адæмы цардыуаджы лæггæдты сгуыхт кусæг» дæттынц, адæмæн
цардыуаджы лæггæдты къабазы æппынкъаддæр 15 азы чи кусы, куыстуæтты,
кусæндæтты æмæ иугæндты, уыцы дæсны кусджытæн адæмæн цардыуаджы лæггæдтæ
æххæст кæныны, лæггæдты, хомаджы, æрмæджыты æмæ лæгтадкæнынады ног
хуызтыл æмæ мадзæлттыл бакусыны, куыстуæтты материалон-техникон бындур
фæуæрæх кæныны, сæ экологион æдасдзинад сын фæфидар кæныны, стæй кадртæ
цæттæкæнынады къæпхæн фæуæлдæр кæныны хъуыддаджы æнтыстдзинæдты тыххæй.
12. Кадджын ном
«РЦИ – Аланийы базарады сгуыхт кусæг» дæттынц, базарады къабазы
æппынкъаддæр 15 азы чи бакуыста, паддзахадон, кооперативон æмæ хицæн
адæймæгты базарады уыцы дæсны кусджытæн базарады кусæндæтты райрæзты,
базарады хуызтæ æмæ мадзæлттæ нывыл кæныны адæмæн лæггадкæнынады бæрзонд
къæпхæнæн фадæттæ саразыны æмæ кадртæ цæттæ кæныны хъуыддаджы
æнтыстдзинæдты тыххæй.
13. Кадджын ном
«РЦИ – Аланийы физикон культурæ æмæ спорты сгуыхт кусæг» дæттынц,
физикон культурæ æмæ спорты райрæзты хъуыддаджы стыр æнтыстдзинæдтæ чи
равдыста, амынд къабазы æппынкъаддæр 15 азы чи бакуыста, физкультурон
змæлдæн фадæттæ саразæг уыцы адæмæн, хъуыстгонд ахуыргæндтæн, тренертæн,
спортсментæн, физикон культурæйы къабазы, спортивон, физкультурон
кусæндæтты, ахуыргæнæндæтты кусджытæн, стæй æхсæнадон бындурыл спортивон
æмæ физкультурон-дзæбæхгæнæн куысты чи фесгуыхт, уыцы адæмæн.
14. Кадджын ном
«РЦИ – Аланийы наукæйы сгуыхт кусæг дæттынц, наукæты докторы ахуыргонд
къæпхæн кæмæ ис, наукон-иртасæн институтты азмæ кусæндæтты, уæлдæр
скьолаты, стæй наукон-куыстадон иугæндты уыцы кусджытæн уæлдай
пайдайагдæр наукон куыстыты, зæрдиаг наукон-практикон æмæ
наукон-популяризаторон архайды, стæй наукон кадртæ æмæ дæсны
специалистты цæттæ кæныны тыххæй.
15. Кадджын ном
«РЦИ – Аланийы сгуыхт дохтыр» дæттынц, медицинон, курортон, спортивон
æмæ æндæр кусæндæтты æп-пынкьаддæр 15 азы чи бакуыста, практикон
архайдæй адæмы æнæниздзинад хъахъхъæнынады кьабазы чи фесгуыхт,
профессионалон куыст æххæст кæнгæйæ, уæлдай стырдæр профессионалон
дæсныдзинад æмæ удуæлдайдзинад чи равдыста, практикон уагæй кусæг æппæт
кьабæзты, ахæм дæсны дохтыртæн.
16. Кадджын ном
«РЦИ – Аланийы æнæниздзинад хъахьхъæнынады сгуыхт кусæг» дæттынц,
æнæниздзинад хьахьхьæнынады оргæнты æнаиппæй æппынкъаддæр 15 азы чи
бакуыста, дзæбæхгæнæн-профилактикон, санитарон-эпидемийы ныхмæ, афтеюы
æмæ æнæниздзинад хъахъхъæнынады æндæр кусæндæтты уыцы разамонджытæн æмæ
дæсны кусджытæн, провизортæн, астæуккаг æмæ кæстæр медицинон æмæ
фармацевтикон хайады кусджытæн кадртæ цæттæ кæныны хъуыддаджы
æнтыстдзинæдты тыххæй.
Ном «РЦИ – Аланийы
сгуыхт дохтыр» фидаргонд кæмæн у, кадджын ном «РЦИ – Аланийы
æнæниздзинад хъахъхъæнынады сгуыхт кусæг» радтынмæ ахæм кусджыты не
'вдисынц.
17. Кадджын ном
«РЦИ – Аланийы адæмы социалон хъахъхъæнынады сгуыхт кусæг» дæттынц,
адæмы социалон хъахъхъæнынады кьабазы æппынкъаддæр 15 азы чи кусы, адæмы
социалон хъахъхъæнынады системæйы кусæндæтты æмæ кусджыты уыцы дæсны
кусджытæн адæмæн социалон æххуысæн æмæ сæ пенсион æфсисадæн,
хæрзаудæндзинады алыхуызон хуызтæн фадæттæ аразыны хъуыддаджы адæмы
социалон хъахъхъæнынады ахсджиагдæр къабæзты наукон иртасынадон куыстыты
райрæзты тыххæй.
18. Кадджын ном
«РЦИ – Аланийы сгуыхт ахуыргæнæг дæттынц иумæйаг ахуырадон æмæ сæрмагонд
скъолаты, сидзæрдæтты, скъолаты-интернатты, райдиан æмæ астæуккаг
профессионалон ахуырады ахуыргæнæндæтты æппынкъаддæр 15 азы чи бакуыста,
стæй педагогон куысты уæлдай стырдæр æнтыстдзинæдтæ кæй кьухы бафтыд,
амынд кусæндæтты уыцы ахуыргæнджытæн, директортæн, стæй директорты
хæдивджытæн ахуырадон æмæ хъомыладон куыстæй.
19. Кадджын ном
«РЦИ – Аланийы ахуырады сгуыхт кусæг дæттынц, уæлдæр ахуыргæнæндæтты,
сывæллæтты рæвдауæндæтты, сидзæрдæтты, æппæт хуызты скъолаты, сывæллæтты
æмæ фæсивæды скьолаты, æвзонг натуралистты æмæ техникты станцæты , стæй
ахуырады кусджыты дæсныйады къæпхæн уæлдæр кæныны институтты
æппынкъаддæр 15 азы чи бакуыста, стæй рæзгæ фæлтæр хъомыл æмаз ахуыр
кæныны куысты æнтыстдзинæдтæ кæй къухы бафтыд, амынд кусæндæтты уыцы
ахуыргæнджытæн, хъомылгæнджытæн, специаписттæ æмæ кусджытæн.
Ном «РЦИ – Аланийы
сгуыхт ахуыргæнæг» фидаргонд кæмæн у, кадджын ном «РЦИ – Аланийы
ахуырады сгуыхт кусæг» радтынмæ ахæм кусджыты не 'вдисынц.
20. Кадджын ном
«РЦИ – Аланийы адæмон артист» дæттынц, ролтæ хъазыны куысты иттæг стыр
æнтыстдзинæдтæ кæй кьухы бафтыд, ахадгæ аивадон фæлгонцтæ, спектаклтæ,
кино — æмæ теленывтаз чи сарæзта, Ирыстоны аивады рæзтмæ стыр æвæрæн чи
бахаста, адæмы удвæрнон æмæ культурон къæпхæны рæзтæн ахъаз чи кæны,
стæй кадджын ном «РЦИ – Аланийы сгуыхт артист», кæнæ аивæдты сгуыхт
архайæджы» ном кæмæ ис, театры, телеуынынады, радиохъусынады, цирчы æмæ
эстрадæйы ахæм артисттæн æмæ режисертæн, оркестрты æмæ ансамблты
дирижертæн, музыканттæн, солисттæн æмæ хормейстертæн.
21. Кадджын ном
«РЦИ – Аланийы адæмон нывгæнæг» дæттынц, нывкæнынады аивадмæ стыр æвæрæн
чи бахаста æмæ адæм хорзыл кæй банымадтой, нывкæнынады, скульптурæйы,
графикæйы монументалон æмæ декоративон-куыстадон аивады ахæм хъуыстгонд
уацмыстæ сфæлдисæг нывкæнынады аивады хъуыстгонддæр архайджытæн, кадджын
ном «РЦИ – Аланийы сгуыхт нывгæнæг» радтыны фæстæ.
22. Кадджын ном
«РЦИ – Аланийы адæмон фыссæг (поэт)» дæттынц, ирон аивадон литературæйы
æмæ поэзийы райрæзты хъуыддагмæ стыр æвæрæн чи бахаста, бирæнацион
литературæ фæхъæздыг кæнынæн фæахъаз уæвæг æмæ æппæтадæмон кады аккаг
уæвæг мидисджын аивадон уацмыстæ чи сфæлдыста, уыцы фысджытæ-прозаиктæн,
поэттæн, драматургтæн, критиктæн æмæ литературæ иртасджынтæн.
23. Кадджын ном
«РЦИ – Аланийы сгуыхт артист» дæттынц, ролтæ хъазыны куысты стыр
æнтыстдзинæдтæ кæй къухы бафтыд, мидисджын аивадон фæлгонцтæ, спектаклтæ
кино- æмæ теленывтæ чи сарæзта, РЦИ – Аланийы аивады райрæзтæн кæй
архайд ахъаз кæны æмæ ацы къабазы æппынкъаддæр 15 азы чи бакуыста,
театры, кинойы, телеуынынады, радиохъусынады, цирчы æмæ эстрадæйы уыцы
артисттæн æмæ режиссертæн, стæй оркестрты æмæ ансамблты дирижертæн,
музыканттæ æмæ солисттæн.
24. Кадджын ном
«РЦИ – Аланийы сгуыхт нывгæнæг» дæттынц нывкæнынады аивады архайджытæн,
театры æмæ кинойы нывгæнджытæн, кьабазы æппынкъаддæр 15 азы бакусæг
адæмæн мидисджын аивадон уацмыстæ сфæлдисыны тыххæй, нывкæнынады,
скульптурæйы, графикæйы, монументалон æмæ декоративон-куыстадон аивады
райрæзты æнтыстдзинæдты тыххæй, стæй куыстуæтты дизайнертæн æмæ
нывгæнджытæн дизайны къабазы ахадгæ куысты тыххæй.
25. Кадджын ном
«РЦИ – Аланийы аивæдты сгуыхт архайæг» дæттынц аивæдты къабазы
æппынкъаддæр 15 азы бакусæг композитортæн, режиссертæн, дирижертæн,
драматургтæн, аивадиртасджынтæн æмæ аивæдты æндæр архайджытæн аивады
къабазы мидисджын аивадон уацмыстæ æмæ ахадгæ наукон куыстытæ сфæлдисыны
тыххæй, кæнæ кадртæ хъомыл æмæ сæ цæттæ кæныны хъуыддаджы стыр
сгуыхтдзинæдты тыххæй.
26. Кадджын ном
«РЦИ – Аланийы культурæйы сгуыхт кусæг» дæттынц:
культурæйы,
мыхуыры, радиохъусынады, телеуынынады, кусæндæтты, стæй культурæйы æмæ
аивады ахуыргæнæндæтты кусджытæн;
балцыты æмæ
экскурситы бюроты, туристон базæты, лагерты æмæ æндæр
туристон-экскурсион кусæндæтты кусджытæн.
Кадджын ном
«РЦИ – Аланийы культурæйы сгуыхт кусæг радтæн ис аивадон хихъæппæрисады
архайджытæн, стæй æхсæнадон уагæй амынд кусæндæтты æмæ культурæйы
оргæнты куысты архайæг адæймæгтæн республикæйы раз стыр æнтыстдзинæдты
тыххæй.
Кадджын ном
«РЦИ – Аланийы культурæйы сгуыхт кусæг» дæттынц, амынд кусæндæтты
æппынкъаддæр 15 азы чи бакуыста, культурæйы райрæзтæн, адæмы æгъдауы æмæ
эстетикон хъомыладæн, туризмы æмæ экскурситы райрæзтæн стыр лæггæдты чи
бацыд, уæлдæрамынд уыцы адæймæгтæн.
6 статья.
РЦИ – Аланийы Кады грамотæ.
РЦИ – Аланийы Кады
грамотæйæ хорзæхджын кæнынц, æхсæнадон, куыстадон æмæ наукон архайды,
культурæйы, литературæйы æмæ аивады райрæзты чи фесгуыхт, уыцы
кусæндæтты кусджыты æмæ коллективты, адæмты æхсæн сабырдзинад æмæ
хæлардзинад фидар кæныны хьуыддагмæ æвæрæн бахæссыны, фидауынгæнæг
куысты разæнгардæй архайыны тыххæй.
7 статья. Паддзахадон
хæрзиуджытæй схорзæхджын кæнæн кæй ис, уыцы адæм.
Паддзахадон
хæрзиуджытæй схорзæхджын кæнæн ис Уæрæсейы Федерацийы граждæнты, стæй
фæсарæйнаг граждæнты æмæ æнæ граждайнадæй адæмы.
8 статья. Радон
паддзахадон хæрзиуæгæй хорзæхджын кæныны фæтк.
Радон паддзахадон
хæрзиуæгæй схорзæхджын кæнæн ис РЦИ – Аланийы раз æнтыстдзинæдты тыххæй
хæрзиуæг фæстаг хатт радтыны бонæй паддзахадон хæрзиуæгæй амæйразмæ
схорзæхджын кæныны цауæй æппынкъаддæр фондз азы фæстæ.
9 статья. Паддзахадон
хæрзиуджытæ дæттыны фæтк.
Паддзахадон
хæрзиуджытæ хорзæхджынгонд адæмæн дæттынц кадджын уавæры схорзæхджын
кæныны тыххæй РЦИ – Аланийы сæргълæууæджы æмбæлгæ Указ тыхы бацæуыны
бонæй æртæ мæйы æмгъуыдмæ.
10 статья.
Паддзахадон хæрзиуджытæй хорзæхджынгонд адæм кæмæй пайда кæнынц, ахæм
льготæтæ.
Паддзахадон
хæрзиуджытæй хорзæхджынгонд адæм льготæтæй æмæ уæлæмхасæн бартæй пайда
кæнынц РЦИ – Аланийы закъонæвæрынады фидаргонд фæткмæ æмæ цаутæм гæсгæ.
11 статья.
Паддзахадон хæрзиуæгæй схорзæхджын кæныны тыххæй уынаффæ аивыны фæтк.
РЦИ – Аланийы
Сæргълæууæгмæ ис хæрзиуæгæй схорзæхджын кæныны тыххæй Указ аивыны бар,
паддзахадон хæрзиуæгæй схорзæхджын кæныны фæдыл курдиаты мæнгдзинад,
кæнæ æнæбындурдзинад кæд рабæрæг уа, уæд.
Хæрзиуæг радтыны
цау аивыны тыххæй Указ кæмæн рауагътой, уыцы адæймагæн лæвæрд
паддзахадон хæрзиуæг æмæ хæрзиуæджы гæххæтт радтын æмбæлы РЦИ – Аланийы
паддзахадон хæрзиуджыты къабазы бæрнджын РЦИ – Аланийы Сæргълæууæджы æмæ
РЦИ – Аланийы Хицауады администрацийы дæлхайадмæ. Паддзахадон хæрзиуæгæй
схорзæхджын кæныны фæдыл æнæбындур курдиат чи балæвæрдта, уыцы
хицауиуæггæнæг адæймæгтæм Уæрæсейы Федерацийы закъонæвæрынадмæ гæсгæ
хауы бæрнондзинад.
12 статья.
Паддзахадон хæрзиуджытимæ баст гæрæнтæ.
Паддзахадон
хæрзиуджытæ æнæзакъонæй æлхæныны, кæнæ сæ уæй кæныны, паддзахадон
хæрзиуджытимæ æмном, кæнæ се 'нгæс чи у, ахæм нысантæ аразыны æмæ сæ
уадзыны, стæй, кæмæн не 'мбæлы, ахæм адæммæ майдантæ дарыны бар нæй.
Амынд архайд
расайы Уæрæсейы Федерацийы закъонæвæрынады амынд бæрнондзинад.
13 статья. Ацы закъон
йæ тыхы бацæуыны фæтк.
Ацы закъон йæ тыхы
бацæуы официалон уагæй йæ сфидар кæныны бонæй фæстæмæ.
Республикæ Цæгат
Ирыстоны – Аланий
Сæргълæууæг
Мамсыраты Т.
Дзæуджыхьæу,
2007 азы 15 август,
№ 38 -РЗ
"Рæстдзинад",
2007 аз, 06 декабрь |
