Разделы сайта
Выбор редакции:
- Крейсер "красный крым" черноморского флота
- «31 спорный вопрос» русской истории: житие императора Николая II
- Лечебные свойства корня лопуха и его широкое применение в домашних условиях
- Природные ресурсы западной сибири
- Совместимость петуха и змеи в любовных отношениях и браке Он петух она змея совместимость
- Чемерица черная: прекрасная и опасная Противопоказания и побочные действия
- Чем интересна Свято-Михайло-Афонская Закубанская пустынь?
- Порционная сельдь под шубой на праздничный стол
- К чему снится шить во сне
- Примета — разбить зеркало случайно: что делать, если оно треснуло
Реклама
Тропарь и кондак патриарху тихону. Молитвы святым. Святитель Тихон, патриарх Московский и всея Руси |
Бдение (с литией): СЛУЖБА ИЖЕ ВО СВЯТЫХ ОТЦУ НАШЕМУ СВЯЩЕННОИСПОВЕДНИКУ ТИХОНУ, ПАТРИАРХУ ВСЕРОССИЙСКОМУНА ВЕЛИЦЕЙ ВЕЧЕРНИ Блажен муж: 1-й антифон. На Господи, воззвах: стихиры, глас 6: Земля Псковская прославися, / яко в малем селении Клине / от благочестиваго корене плод благокрасен прозябе, / Василий, отроча благонравное, / святителю Великому тезоименитое. / В сем же имени велий, яко царственный, / путь ему преднаречеся. Измлада церковь Божию возлюбив / и благочестия вожделев, святе, / в духовном вертограде / во слове Божий / и отеческих и благочестивых писаниих, / начат поучатися. Что убо сотворю, / киим образом жития моего / Тебе, Владыце и Богу, добре послужу, / киими подвиги, Тебе содействующу, / душу мою от грех очищу? / – в меру возраста пришед, / слезно взывал еси ко Господу, блаженне. Слава, глас 8: Путь девства, нищеты, / своея воли отсечения / избрал еси, блаженне, / иноческое пострижение прияв, / в немже именем Тихон наречен бе, / да путем благочестия святителя Задонскаго шествуеши. И ныне, Богородичен: Царь Небесный: Вход. Прокимен дне. И чтения 3. На литии стихиры, глас 3 : Во граде Торопце, / во храме Божии, / идеже родитель твой служаше, / благочестию в юных летех / поучался еси, святителю. Слава, глас 8: Бог тя возвеличи, святителю отче Тихоне, / Первоиерарха Церкви Своея поставив, / ты же жребий служения сего / яко волю благую Его восприим, / в первосвятительстем подвизе твоем / присно ревновал еси о славе, - / Отца и Сына и Святаго Духа - / Троицы Единосущныя и Нераздельныя. К Тебе, о Богомати, / вси ныне слезно взываем: / вонми предстательству святителя Тихона о нас / и Сыну Твоему молитвы вознеси / о спасении душ наших. На стиховне, стихиры, глас 2: Якоже свеща на свещнице светит всем, / тако ты, благочестием сияющь, блаженне, / поставлен бысть Господем во епископа земли Холмския, / да светом Христова учения / осияваеши люди, в ней живущия. Стих: Уста моя возглаголют премудрость, и поучение сердца моего разум. Бог благослови и освяти тя, земле Американская, / православным бо людем твоим во ограде Российския Церкве сущим / блаженнаго Тихона епископа даде, / той многими храмы лице твое украси / и яко богомудрый священноначальник / паству свою ко Христу приведе. Стих: Благовестих правду Твою / в церкви велице. Святии вси земли Ярославския, / сретайте иерарха добра, / Тихона блаженнаго, / той бо, якоже и вы, многия труды зде понесе, / и ныне тщится вкупе с вами молитися Христу Богу / спастися душам нашим. Слава, глас 4: Земля Литовская прославися / пришествием твоим, блаженне, / людие же православнии, / в ней сущий, / яко светильника веры и благочестия тя прияша / и в поклонении Триединому Богу тобою утвердишася, / святительский же омофор твой / надежный покров и защита / от злых обстояний тем явися. И ныне, Богородичен, глас тойже: Призри на моления Твоих раб, Всенепорочная, / утоляющи лютая на ны востания, / всякия скорби нас изменяющи, / Тя бо едину твердое и известное утверждение имамы / и Твое предстательство стяжахом, / да не постыдимся, Владычице, Тя призывающии, / потщися на умоление Тебе верно вопиющих: / радуйся, Владычице, всех Помоще, / Радосте и Покрове, / и Спасение душ наших. Тропарь, глас 1: Апостольских преданий ревнителя / и Христовы Церкве пастыря добраго, / душу свою за овцы положившаго, / жребием Божиим избраннаго / Всероссийскаго Патриарха Тихона восхвалим / и к нему с верою и упованием возопиим: / предстательством святительским ко Господу / Церковь Русскую в тишине соблюди, / расточенная чада ея во едино стадо собери, / отступившия от правыя веры к покаянию обрати, / страну нашу от междоусобныя брани сохрани / и мир Божий людем испроси. НА УТРЕНИ На Бог Господь: тропарь святителю, дважды. Слава, и ныне, Богородичен. По 1-м стихословии седален, глас 2: Жезл первосвятительский дерзновенно приял еси, святе, / да яко добрый пастырь, небоязненно в подвизе твоем шествуя, / заблуждшая горохищная овчата обрящеши, / татиями похищенная во двор овчий паки возвратиши, / многоразличными болезньми и недуги обдержимыя добре уврачуеши / - и все Христово стадо словесных овец / в истине и правде упасеши. Покрый нас всемощным Покровом Твоим, / Всемилостивая Владычице Богородице, / защити нас от всяких сетей вражиих, / дадеся бо Ти благодатная сила, / яко рождшей Владыку Христа и Спаса душ наших. По 2-м стихословии седален, глас 5: Благодарение Богу / воздадите, людие российстии, / Той бо пробавил есть милость Свою вам, / Тихона блаженнаго / Первоиерарха Церкви Своея постави, / да во дни испытаний / обрящете в нем образ веры / от наветов вражиих неколеблемы, / неложнаго упования на помощь Божию / и любовию Христовою исполненный. Слава, и ныне, Богородичен, глас тойже: Утоли, Владычице, / болезни душ наших. / Радостию благодатною о Тебе исполни сердца наша, /на Тя бо надеющийся / причастницы жизни вечныя будем. По полиелеи седален, глас 8. Подобен: О преславнаго чудесе. Приидите, вернии, / согласно вей восхвалим святителя предивнаго, / священноначальника Церкви Российския богомудраго, / Тихона блаженнаго, / иже достойно иго Христово / чрез все житие свое понесе, / и ныне во обителех Отца Небеснаго водворився, / молится о спасении душ наших. Слава, и ныне, Богородичен: Буди благословен день и час, / вонь же благоволи Господь Тобою, Пречистая Богородице, / явити Спаса мiру, / сим же нам имети Тя яко дерзновенную Предстательницу и Ходатаицу пред Сыном Твоим / о спасении душ наших. Степенна, 1-й антифон 4-го гласа. Прокимен, глас 4: Вознесох избраннаго / от людей Моих. Всякое дыхание: Евангелие от Иоанна, зачало 36. Церковь Божию и чад ея преискренне любяй, / и к пользе тых деяния своя всемерно направляя, / жертвенно и дерзновенно, / якоже древле Моисей, / Господу взывал еси, святителю: / уне мне, Владыко, / да забвению предастся имя мое в человецех, / но спасена будет Церковь Твоя во отечестве моем / и иссякнут потоцы крови мучеников, / землю Российскую обильно обагрившия. КАНОН Святителю, глас 6 Песнь 1 Ирмос: Яко по суху пешешествова Израиль, / по бездне стопами, / гонителя фараона / видя потопляема, / Богу победную песнь поим, вопияше. Якоже плод красный спасительнаго сеяния Божия / явился еси в Церкви, святителю Христов, / родителей благочестивых, иерея Иоанна и Анны, быв отрасль предивная. Предречение дивное во сне отцу твоему о грядущем величии твоем, еще ти отроку сушу, по мнозех летех сбыстся, / зане воистинну Великим Господином Российския Церкве явился еси, блаженне. Образ кротости, смирения и любви о Господе являя, / добрый помощник юным другом твоим был еси, блаженне, / сего ради и тыя, еще ти отроку сушу, архиерея Божия прорекоша тя. Богородичен: Песнь 3 Ирмос: Несть свят, / якоже Ты, Господи Боже мой, /вознесый рог верных Твоих, Блаже, / и утвердивый нас на камени / исповедания Твоего. В вертоградех духовных, православно богословити и слово Божие иными языки глаголати поучался еси прилежно, блаженне, / и сие в церковном служении твоем добрый плод принесе. Егда Владыка Господь объятия отча отверзе ти и яко возлюбленна сына, во иночестве Тихона прият тя, / таже и начальника в вертоградех духовных Пскова и Казани поставити тя благоволи, / да православныя отроки богомудрию и христианскому благочестию научиши, блаженне. Холмскую паству добре управити призва тя Владыка Христос, / темже и начало положи святительским подвигом твоим, / да в них укрепляяся, изряден архиерей Всероссийския Церкве явишися, блаженне. Богородичен: Множества грехов люто обдержат души наша. / Ты же, Пречистая Богомати, молитвами Твоими ко Иже от Тебе Рождшемуся, пленения сего греховнаго избави и на стезю спасения настави нас. Седален, глас 1: Доброму евангельскому пастырю подражая, / дерзновенно во двор овчий вшел еси, святителю, / и своя овцы глашая по имени, / во ограде церковней тыя невредимо соблюл еси. Слава, и ныне, Богородичен, глас тойже: К Тебе, о Богомати, / молитвенно мы ныне прибегаем / и предстательства Твоего пред сыном Твоим / усердно просим / от греховнаго ловительства сохрани нас / и на путь спасения настави. Песнь 4 Ирмос: Христос моя сила, / Бог и Господь, / честная Церковь боголепно поет, взывающи / от смысла чиста, о Господе празднующи. Смотрению Божию следуя, / велению матере Церкве повинуяся, / земли дальния Американския достигл еси / и тамо новую паству - людей алеутских, креольских, кенарских - во ограде Христовы Церкве яко добрый пастырь соблюл еси, / Тихоне блаженне. Кронштадтскаго пастыря / собеседник быти сподобился еси, блаженне, / еще сый епископ града Ярославля, / и той ти всероссийское пастырство предуказа. / Темже и ныне с ним престолу Божию предстоя, / моли спастися душам нашим. Богородичен: Достойно есть прославляти Тя, Владычице, / присно спасающую землю Российскую. / Се бо и святитель Тихон в Ярославстем храме Успения Твоего, / государя Николая, яко истиннаго помазанника Божия срете / и благодарственныя молитвы вкупе с ним о заступлении отечества нашего / Тебе и Сыну Твоему принесе. Песнь 5 Ирмос: Божиим светом Твоим, Блаже, / утренюющих Ти души любовию озари, молюся, / Тя ведети, Слове Божий, / Истиннаго Бога, / от мрака греховного взывающа. Егда по грехом нашим нашествие иноплеменных Господь попусти, / и земля Российская кровию обагрися, / ты, святителю, покаяние проповедуя, / и врачевству душевному и телесному страждущих добре содействуя, / крепце стояти за веру православную, / царя благовернаго и отечество святое призывал еси. Ополчению вражеску у стен града Вильно стоящу, / цельбоносныя мощи святых мученик Антония, Иоанна и Евстафия / из обители Святаго Духа благоговейно изнесл еси, святителю, / и во граде Москве / от поругания иноземных невредимы сохранил еси. Богородичен:
Песнь 6 Ирмос: Житейское море, / воздвизаемое зря напастей бурею, / к тихому пристанищу Твоему притек, вопию Ти: / возведи от тли живот мой, / Многомилостиве. Пустынножитель-старец пред образом Владычицы усердно моляся, / жребий со трепетом из ковчезца извлече, / на немже имя твое, / яко Богом избраннаго Первосвятителя, начертано бе, / сего ради и мы ныне, якоже тогда иерархи Собора, немолчно "аксиос" тебе, архипастырю наш, вопием, / сотвори и нас яко словесныя овцы достойны быти пажити твоея. О глубины богатства и премудрости Божия! / Изволися Духу Святому со иерархи / поставити тя, блаженне, Патриарха Церкве Российския, / да во дни испытания веры / свидетельствующи крепкое в ней стояние / и паству твою неврежденну / от наветов вражиих добре соблюдеши. О неизреченныя любве и милосердия Божия! / святитель Тихон во главу Российския Церкве поставляется / и мнозии людие / добраго пастыря обретают, / и во ограде церковней соблюдаются. Богородичен: Радуются и ликуют людие российстии, Приснодево, / Введение Твое во храм празднующе, / и возведение святителя Тихона Патриархом Российским / в сей же день благодарно воспоминающе, / усердно взывают Ти: / О Владычице Державная, / молитвами святителя Тихона / Церковь и землю Российскую / от всех наветов вражиих спаси / и вся верныя в чертоги небесныя введи. Кондак, глас 2: Тихостию нрава украшен, / кротость и милосердие кающимся являяй, / во исповедании православныя веры и любве ко Господу / тверд и непреклонен пребыл еси, / святителю Христов Тихоне. / Молися о нас, да не разлучимся от любве Божия, / яже о Христе Иисусе, Господе нашем. Песнь 7 Ирмос: Росодательну убо пещь / содела Ангел / преподобным отроком, / халдеи же опаляющее / веление Божие, / мучителя увеща вопити: / благословен еси, Боже отец наших. Плач, стенание и горе великое, / грядущия на Церковь Российскую предзрел еси, Первосвятителю, / обаче Христовою любовию укрепляем, / мужественно взывал еси: / благословен еси, Боже отец наших. В лютую годину / первосвятительский жезл со страхом и трепетом прияв, блаженне, / Церковь Российскую яко корабль нерукотворный добре управил еси, / верныя же научил еси взывати: / благословен еси, Боже отец наших. Пророку древнему Илии, / взыскующу не преклоньших колена пред Ваалом, / подражал еси первосвятителю, / да взыщеши, / яже не преклониша выю ловительству безбожных, / таже и падших из глубины греховныя воздвигнеши, / и верныя научиши в скорбных обстояниих / взывати Господу: / благословен еси, Боже отец наших. Богородичен: Помощницу надежную имамы Тя, Богородице, / многажды бо в скорбных обстояниих / предстательство о людех российских / пред Сыном Твоим являла еси. Песнь 8 Ирмос: Из пламене преподобным росу источил еси / и праведного жертву водою попалил еси: / вся бо твориши, Христе, токмо еже хотети, / Тя превозносим во вся веки. Во образ твоего усерднаго подражания / служению первосвятителей Московских, / в священныя одежды тех достойно облачен был еси, блаженне, / темже с ними о нас молися, да и мы достойны будем превозносити Господа во вся веки. Жезл Первосвятителя Петра / со дерзновением приял еси, блаженне, / да образ власти предстоятеля в Церкви Российстей воставиши. / Мы же ведяще сицевую милость Божию к нам, / Господа превозносим во вся веки. Грехом нашим умножившимся, / попусти Господь братоубийству / и междоусобным бранем в земли Российстей быти. /Ты же, святителю, / людей враждующих к покаянию и примирению призывал еси, / научая превозносити Христа во веки. Богородичен: В дому Твоем, Пречистая Дево, / храме Успения Твоего, / поставление блаженнаго Тихона в Первосвятителя Российскаго свершися. / Темже молитвы того, / яко вернаго избранника служителя Твоего, / к Богу вознеси и спаси души наша. Песнь 9 Ирмос: Бога человеком невозможно видети / на Негоже не смеют чини Ангельстии взирати, / Тобою же, Всечистая, явися человеком / Слово Воплощенно, / Егоже величающе, / с небесными вои Тя ублажаем. Плачем и рыданием / земля Российская огласися, / кровь святых мученик и исповедник Христовых потоки по ней излияся, / храмы Божий осквернишася и попранию предашася. / Увы мне, Земле моя! / - взывал еси, святителю, / кое врачевание прилежит ти, / да всех сих избавишися. Увы мне, людие российстии! - взывал еси, блаженне. / Господа забыхом, / в делех наших осуетихомся, / попечение же о души николиже имехом. / Ей, глаголю вам, / благоволения Божия не обрящем, / аще души наша слезами покаяния пред Господом не потщимся очистити. В темнице томящуся ти, святителю, / о Церкве премного болезновал еси, / иерарси бо и священницы нецыи / на стезю Иуды предателя ступивше / и неправедно власть в Церкви восхитивше, / злохудожная деяния своя, яко обновления благая нарекоша; / и сим паству Российскую в смятение приведоша / и в нестроениих церковных тяжце повинни быша. Ни скорбь, ни теснота, ни гонение, / ни глад, ни нагота, / ниже беда, ни меч не возмогут разлучити верных чад Христовых от любве Его / - апостольски рекл еси, святителю. Богородичен: Кия похвалы возгласим Ти, Пречистая. / Киими словесы / величие Твое восславим, / яко Спаса родила еси душ наших. Светилен, глас 1: Первосвятителя Российскаго Тихона днесь прославим, / память его благочестно почитающе, / той бо, яко светильник пресветлый, просиял есть / и образом пресветлаго жития своего / ревностному служению Богу люди научает. Слава, и ныне, Богородичен: Радуйся, Богородице Дево, / Владычице Державная, / Светодавца Христа миру Рождшая; / радуйся, похвало всея вселенныя; / радуйся, Пречистая Мати Божия Благословенная. На хвалитех стихиры, глас 4: Вере в людех оскудевшей, / любви истощившейся, / надежди иссякнувшей, / попусти Господь / мор жесток, болезнь и глад на люди отечества нашего. / Ты же, святителю, / святыни Божия от поругания неверных защищая, / о страждущих болезновал еси / и к милосердию и жертве посильней / от щедрот своих для оных / всероссийскую паству призывал еси. Словеса премудра / о еже не леты, но деяньми благими / полнота жития человеческаго пред Богом измеряется, / на тебе исполнишася святителю. / Темже душу добродетельми обогащену имея, / в Небесныя обители вселился еси, / идеже молишися о нас присно. Внимайте убо себе, / людии российстии! / Пробави бо Господь ныне милость Свою нам: / потоки крови мученик иссякоша, / пленения от власти безбожных свободихомся, / попраннныя храмы Божий восставляются / - бежим всемерно приражения греховнаго, / да не паки гнев Божий наведем на ся, / и не будет нам последняя горша первыя. Слава, глас 8: Кровми святых мученик / Церковь Христова древле утвердися, / такожде и во дни твоя, святителю Тихоне, / во отечестве нашем яко потоцы водныя, / кровь святых мученик пролияся, / обаче смотрением Божиим / сия семенем явися, / из негоже прозябе благосеннолиственное древо Руси Православныя. И ныне, Богородичен: Пречистая Дево Мати, / благоволила еси святителю Тихону в день благовестия Ти Архангела Гавриила / поприще земнаго пути его скончати / и яко избранника Твоего в небесных чертозех вселити. / Темже, о Богомати, / молитвы святителя Тихона / о страждущей стране Российстей и людех ея / к Сыну Твоему и Богу вознеси / и спаси души наша. Славословие великое и отпуст. Тропарь святителю Тихону, патриарху Московскому и всея Руси
Тропарь, глас 3:В годину тяжкую Богом избранный в совершенной святости и любви Бога прославил еси, во смирении величие, в простоте и кротости силу Божию являя, положил душу за Церковь, за люди своя, исповедниче патриарше святе Тихоне, моли Христа Бога, Емуже сораспялся еси, и ныне спасти землю Русскую и паству Твою. Тропарь, глас 1 (Прославление):Апостольских преданий ревнителя и Христовы Церкве пастыря добраго, душу свою за овцы положившаго, жребием Божиим избраннаго Всероссийскаго патриарха Тихона восхвалим и к нему с верою и упованием возопиим: предстательством святительским ко Господу Церковь Русскую в тишине соблюди, расточенная чада ея во едино стадо собери, отступившия от правыя веры к покаянию обрати, страну нашу от междоусобныя брани сохрани и мир Божий людем испроси. Кондак, глас 2:Т ихостию нрава украшен, кротость и милосердие кающимся являяй, во исповедании православныя веры и любве ко Господ тверд и непреклонен пребыл еси, святителю Христов Тихоне. Молися о нас, да не разлучимся от любве Божия, яже о Христе Иисусе, Господе нашем. Молитва святителю Тихону, патриарху Московскому и Всея России О пастырю наш добрый, святый великий патриарше Тихоне, яко град горний ты явился еси, добрая дела твоя и доныне светятся пред человеки. Вемы, яко ты, предстоя Престолу Пресвятыя Троицы, велие имаши дерзновение в молитвах пред Господем. Воззри и ныне на нас грешных и недостойных чад твоих, к тебе бо яко имущему велие дерзновение пред Творцем всяческих, ныне припадаем и усердно молимся: умоли Господа, да подаст нам решимость стяжати благочестие отцев наших, егоже ты стяжал еси от юности твоея. Ты в житии своем ревностный защититель и хранитель истинныя веры был еси, помози и нам незыблему соблюсти веру православную. Тихая бо душа твоя зело преуспела в Божественном смиренномудрии, научи и нас разум наш питати не многомятежною мудростию человеческою, но смиренным познанием воли Божией. Ты пред лицем лютых врагов Христовых истиннаго Бога дерзновенно исповедал еси, молитвою своею укрепи нас, малодушных, да и мы всегда и всюду противостанем духу безбожия и льсти. Ей, угодниче Божий, не презри нас, молящихся тебе, ибо не токмо от бед и скорбей избавление просим, но силы и твердости, великодушия и любве просим, дабы переносити оныя напасти, возстающия на ны. Испроси нам неослабное терпение даже до конца жития нашего, мир с Господом и грехов отпущение. Отче святый! Укроти в стране нашей ветры неверия и смуты, да водворит Господь на земли Российстей тишину и благочестие и любовь нелицемерную. Молитвами твоими да сохранит ю от междоусобныя брани, да укрепит святую Церковь нашу Православную, да не оскудеет она истинными пастырями, добрыми делатели, право правящими слово евангельской истины. Упаси и заблуждшия овцы стада Христова. Наипаче же моли Господа сил, да возродится Русская земля святым покаянием и единым сердцем и едиными усты прославит дивнаго во святых Своих Бога в Троице славимаго Отца и Сына и Святаго Духа во веки веков. Аминь. АКАФИСТ святителю Тихону, патриарху Московскому и Всея РоссииКондак 1 И збранный архиерею, предивный угодниче и исповедниче Христов, Русския Церкве крепкое ограждение, отечеству нашему ходатаю и заступниче, прославляюще прославльшаго тя Господа, даровавшаго нам в тебе новаго и великаго предстателя, похвальное пение восписуем ти; ты же имеяй велие дерзновение ко Владыце Небесе и земли, от всяких нас бед свободи зовущих: Радуйся, святителю Тихоне, Церкве Православныя похвало и утверждение. Икос 1Ангелов Творец и Господь в буреносныя дни мятежа и нестроения велия, восхотев людем страждущим утешение даровати, яви тя, патриарше претихий и предобрый, яко светило светозарное, светом Трисияннаго Божества озаряющее души верных, да и ны не грядут по тебе вси желающии со Христом быти, сего ради во умилении вопием ти: Кондак 2Видя люди российстии о попрании святынь православных зело скорбящия и страхом объятыя, упованием полагал еси верным живот вечный, а не смерть имети; темже светом богоразумия твоего, Тихоне благосердне, и нас озари, да купно с тобою вопием Творцу всяческих: Аллилуиа. Икос 2Разум богопросвещен имея, богомудре Тихоне, отвергл еси всяческое плоти мудрование, с разумом же и волю повинул еси Господеви, темже сосуд чист и селение Духа Истины явился еси. Сего ради яко богомудраго наставника тя ублажающе, воспеваем: Кондак 3Сила Вышняго яве показа тя, священнопроповедниче Тихоне, в трудех крестоношения суща, егда всеоружием Божия благодати козни тьмочисленных враг православныя веры разрушал еси, Богу поя победительно: Аллилуиа. Икос 3Имея веру несумненну и помысл чист, вся красная мира сего презрел еси, Тихоне богоблаженне, и в чине святительстем Господеви неленостно послужил еси. Темже благостию украшенный и ведением свыше озаренный, аки звезда путеводная светиши всем, вопиющим тебе: Кондак 4Бурю внутрь имея помышлений суетных не возможем, Тихоне всемудре, величие исповедничества твоего проповедати, обаче твоими молитвами у Престола Всевышняго в правоверии и благочестии укрепляеми, воспеваем Ему: Аллилуиа. Икос 4Слышавше людие о благоплодных добротах души твоея, богоносне Тихоне, желанием вожделеша тя видети на престоле первосвятительстем, абие свыше свидетельствован был еси яко сосуд Божественнаго изволения. Темже дивящеся чудному Божию промышлению, приносим ти благохваления сицевая: Кондак 5Боготечную звезду яви тя Господь, досточудне отче наш Тихоне; зане паству твою добре осиял еси светом Православия, правы стези указуя к Царствию Христову и научая присно взывати к Богу: Аллилуиа. Икос 5Внегда поставлен был еси на свещнице служения первосвятительскаго, всемудре Тихоне, потщался вседушно Богу благоугодити и не вотще потрудился еси, просвещая омраченныя страстьми. Мы же, ведяще тя архипастыря богомудра и строителя дому Божия верна и предобра, похвальная возсылаем ти: Кондак 6Проповедник благочестия воистинну явился еси, делателю непостыдный и право правящий слово истины, священноначальниче Тихоне, яко добрый воин Христов ограждая паству твою в годину смертных искушений и подвизая взывати истинному Богу: Аллилуиа. Икос 6Возсиял еси в первопрестольной яко звезда лучезарная, блистанием учений твоих и исповедничества озаряя души верных и разгоняя тьму нечестия. И ныне плоды сеяния твоего насыщаеши вся, яже со удивлением и любовию взывают к тебе: Кондак 7Желая невозбранно пастырем добрым быти, емуже суть овцы своя, потщался еси, богоносне Тихоне, на пользу душ стада твоего всем вся быти, да вси взыщут Единаго Бога. Мы же, уповая достигнути спасения преславным ходатайством твоим, со дерзновением воспеваем: Аллилуиа. Икос 7Новаго и дивнаго попечителя Церкве Российския вемы тя, святителю Тихоне, понеже во исповедании твоем не устрашился еси человеческих прещений, и святоотеческия заветы соблюл еси. Сего ради и крепость духовную подаде ти Подвигоположник Христос; мы же недостойнии возносим ти сицевая: Кондак 8Странное и преславное чудо есть маловерным и малодушным зрети, богоявленне Тихоне, како в лютых гонениих престол первосвятительский имея, священную жизнь стяжавая, православную утвердил еси веру и премудростию твоею и словес благодатию научил еси стадо твое богоугодно воспевати: Аллилуиа. Икос 8Весь исполнь любве Христовы, Тихоне благосерде, паству свою не оставил еси: яко Ангел хранитель чадом своим пребываеши, молитвы Всевышнему о них возсылая: сего ради усердно чтем светлую память твою, благодарственное хваление воспевая ти: Кондак 9Подвигом добрым подвизался еси, всечестне Тихоне, непреткновенно течение лет совершил еси: благостынною и боголюбезною душею твоею к вечному животу преселился еси, идеже с чинми небесными и собором святых купно поеши Богу победную песнь: Аллилуиа. Икос 9Ветия многовещанныя не возмогут по достоянию изрещи пречуднаго прославления памяти твоея, богогласе Тихоне; мы же к покаянию тобою подвигаеми и благосердию твоему подражати хотяще, песньми похвальными тя ублажаем сице: Кондак 10Спасти хотя Церковь Русскую, преславне отче наш Тихоне, скверная учения беззаконных анафематствовал еси, богоборцем противяся тако; да убоялися тя яко втораго Ермогена. Мы же почитающе всечестную память страданий твоих вопием прославльшему тя Богу: Аллилуиа. Икос 10Забрало незыблемо и благонадежно Церкве явился еси, показуя собою мужественнаго борения образ и утверждая делы и словесы крепко стояти за правую веру, священноглагольниче Тихоне. И ныне светом твоим тьма отгоняется и обнажается плетение лукаваго совета, Божественныя твоея мудрости сияньми, да вси вопием ти сице: Кондак 11Пение умиленное приносим ти, таинниче Христов, сияеши бо ныне на Небеси благолепия венцем украшен: яко верен святитель правдою одеялся еси и в раи сладости ликуеши; о песнословящих тя Отца Небеснаго прилежно моли, вопиющих Ему: Аллилуиа. Икос 11Всемирнаго светильника яви тя Христос, богодухновенне отче наш Тихоне: ведый сердца твоего смирение, на престоле святительстем тя посади. Ты же благовония жертв всего себе Ему принося, иерей был еси и жертва; сего ради немолчными гласы глаголем ти: Кондак 12Благодать восхотев восприяти от Щедродателя Владыки всех и Господа, прежде конца явился еси, всехвальне отче Тихоне, мертвенностию жизненосною ко греху одеян, Христа чтити научая богоприятне. Той же дарованием чудес обогати тя, освяти и прослави на Небеси и на земли, научая о тебе воспевати: Аллилуиа. Икос 12Поюще венец исповедничества, приемый тобою, Тихоне досточудне, недоумеем, како воистинну наречем тя, ибо тобою в Троице славимый Бог наш славно прославися. Сего ради приносим ти похваления сицевая: Кондак 13О пастырю наш предобрый, святый патриарше Тихоне, приими сие малое тебе хваление и моли венчавшаго тя славою Господа Сил, да возродит Россию во Христе; да дарует мир жительству нашему и Церкве святей Своей, ограждая ю от всех душепагубных и безбожных веяний; да обратит в любовь к Себе и ближнему сердца всех человек; да дарует познати Себе Духом Святым Своим велию множеству соотечественников наших, вере ненаученных и от веры отвращенных; да сподобимся ныне и присно и во веки веков единем сердцем и единеми усты воспевати Ему: Аллилуиа. Этот кондак читается трижды, затем икос 1-й и кондак 1-й В тяжёлые для России дни составил эту молитву Патриарх Тихон. С глубокой скорбью взывал он ко Господу, молясь о своём народе, попираемом врагами, ставшем "в притчу и поношение" всем соседям. Сегодня наша страна вновь переживает дни страшной смуты. И вновь коленопреклоненно читают священники в церквях молитву святителя Тихона. (Имя Патриарха Тихона включено в молитву уже в наши дни). Господи Боже, Спасителю наш! К Тебе припадаем сокрушенным сердцем и исповедуем грехи и беззакония наша, имиже раздражихом Твое благоутробие и затворихом щедроты Твоя. Отступихом бо от Тебе, Владыко, и заповедей Твоих не соблюдохом, ниже сотворихом, якоже заповедал еси нам. Сего ради нестроением поразил еси нас, и дал еси нас на попрание врагом нашим, и умалихомся паче всех язык, и быхом в притчу и поношение соседом нашим. Боже великий и дивный, каяйся о злобах человеческих, возводяй низверженныя и утверждаяй низпадающия! Небесную Твою силу с небесе низпосли, уврачуй язвы душ наших и воздвигни нас от одра болезни, яко наполнишася разслабления чресла наша, яко болим неправдою и рождаем беззаконие. Утоли шатания и раздоры в земли нашей, отжени от нас зависти и рвения, убийства и пианство, разжжения и соблазны, попали в сердцах наших всякую нечистоту, вражду и злобу, да паки вси возлюбим друг друга и едино пребудем в Тебе, Господе и Владыце нашем, якоже повелел еси и заповедал еси нам. Помилуй нас, Господи, помилуй нас, яко исполнихомся уничижения и несмы достойни взвести очеса наша на небо. Помяни милости, яже показал еси отцем нашим, преложи гнев Твой на милосердие и даждь нам помощь от скорби. Молит Тя Твоя Церковь, представляющи Тебе ходатайство другов Твоих, преподобных и богоносных отцев наших Сергия Радонежского и Серафима Саровского, Петра, Алексия, Ионы, Иова, Филиппа, святителей Московских, священномученика Ермогена, наипаче Святителя Тихона, Патриарха Московского и всех святых, в земли нашей просиявших, изряднее же Пресвятыя Богородицы и Приснодевы Марии, от лет древних покрывавшия и заступавшия страну нашу. Вразуми всех, иже во власти суть, и возглаголи в них благая о Церкви Твоей и о всех людех Твоих. Силою Креста Твоего укрепи воинство наше и избави их от всякого навета вражия. Воздвигни нам мужей силы и разума, и даждь всем нам духа премудрости и страха Божия, духа крепости и благочестия. Господи, к Тебе прибегаем, научи нас творити волю Твою, яко Ты еси Бог наш, яко у Тебе источник живота, во свете Твоем узрим свет. Пробави милость Твою ведущим Тя во веки веков. Аминь. Из Послания Патриарха Тихона пастырям и всем чадам Православной Российской Церкви (1918 г.)"Где же спасение от гибели? У кого и в чём искать избавления от бед и напастей? Исстрадавшиеся сыны Родины нашей готовы даже малодушно кинуться в объятия врагов её, чтобы искать среди них и под их властию успокоения жизни общественной, прекращения её ужасов. Горе той власти, которая довела русских людей до такого отчаяния! Но не здесь наше спасение, не от врагов надо ждать избавления; им только приятны все наши нестроения и раздоры, они только и стремились к тому, чтобы посеять в нашей жизни семена вражды и междоусобий внутренних, дабы обессилить воинство наше и тем сокрушить могущество Русской земли. Нет, не туда, не во вражеский стан устремляйте взоры свои, все жаждущие мира и спокойствия для нашей Отчизны. Внегда скорбети нам, Господа призовем (Пс. 17, 7). Только "Бог нам прибежище и сила, помощник в скорбех, обретших ны зело" (Пс. 45, 2). Но будьте достойны милости Господней: "Обратитеся ко Мне, глаголет Господь, и спасетеся" (Ис. 45, 22)"... "Поистине, "осквернися земля наша в делах ваших и заблудились вы в начинаниях своих" (Пс. 105, 39). Иссякли в вас не крепость телесная, даже и не мужество духа вашего, а исчезла любовь к земле родной, погасло в сердцах ваших пламя веры святой, - той святой веры, которая воодушевляла предков ваших проливать кровь за Отчизну свою и на всём протяжении тысячелетнего бытия Русской земли воздвигала среди них мужей силы и духа, достойных вечной и славной памяти в потомстве". МОЛИТВЫ ПАТРИАРХУ МОСКОВСКОМУ И ВСЕЯ РУСИ СВЯТИТЕЛЮ ТИХОНУ. Ин тропарь святителя Тихона, патриарха Московского и всея Руси глас 3 В годину тяжкую Богом избранный / в совершенной святости и любви Бога прославил еси, / во смирении величие, в простоте и кротости силу Божию являя, / положил душу за Церковь, за люди своя, / исповедниче патриарше святе Тихоне, / моли Христа Бога, / Емуже сораспялся еси, / и ныне спасти землю Русскую и паству Твою. Тропарь святителя Тихона, патриарха Московского и всея Руси (прославление) глас 1 Апостольских преданий ревнителя / и Христовы Церкве пастыря добраго, / душу свою за овцы положившаго, / жребием Божиим избранного / Всероссийскаго Патриарха Тихона восхвалим / и к нему с верою и упованием возопиим: / предстательством святительским ко Господу / Церковь Русскую в тишине соблюди, / расточенная чада ея во едино стадо собери, / отступившия от правыя веры к покаянию обрати, / страну нашу от междоусобныя брани сохрани / и мир Божий людем испроси. Кондак святителя Тихона, патриарха Московского и всея Руси глас 2 Тихостию нрава украшен,/ кротость и милосердие кающимся являяй,/ во исповедании православныя веры и любве ко Господу/ тверд и непреклонен пребыл еси,/ святителю Христов Тихоне./ Молися о нас, да не разлучимся от любве Божия,/ яже о Христе Иисусе, Господе нашем. Молитва святителю Тихону, Патриарху Московскому и всея Руси О, пастырю наш добрый, святый великий патриарше Тихоне, яко град горний ты явился еси - добрая дела твоя и доныне светятся пред человеки. Вемы, яко ты, предстоя престолу Пресвятыя Троицы, велие имаши дерзновение в молитвах пред Господем. Воззри и ныне на нас, грешных и недостойных чад твоих, к тебе бо, яко имущему велие дерзновение пред Творцем всяческих, ныне припадаем и усердно молимся: умоли Господа, да подаст нам решимость стяжать благочестие отцев наших, его же ты стяжал еси от юности твоея. Ты в житии своем ревностный защититель и хранитель истинныя веры был еси, помози и нам незыблемо соблюсти веру православную. Тихая бо душа твоя зело преуспела в Божественном смиренномудрии, научи и нас разум наш питати не многомятежной мудростию человеческой, но смиренным познанием воли Божией. Ты пред лицом лютых врагов Христовых Истинного Бога дерзновенно исповедал еси, молитвою своею укрепи нас, малодушных, да и мы всегда и всюду противостанем духу безбожия и льсти. Ей, угодниче Божий, не презри нас, молящихся тебе, ибо не токмо от бед и скорбей избавление просим, но силы и твердости, великодушия и любви просим, дабы переносить оные напасти, восстающия на ны. Испроси нам неослабное терпение даже до конца жития нашего, мир с Господом и грехов отпущение. Отче святый! Укроти в стране нашей ветры неверия и смуты, да водворит Господь на земле Российстей тишину и благочестие и любовь нелицемерную. Молитвами твоими да сохранит ю от междуусобныя брани, да укрепит Святую Церковь нашу Православную, да не оскудеет она истинными пастырями, добрыми делателями, право правящими слово евангельской Истины. Упаси и заблудшие овцы стада Христова. Наипаче же моли Господа сил, да возродится Русская земля святым покаянием и единым сердцем и едиными усты прославит Дивнаго во святых Своих Бога, в Троице славимаго Отца, и Сына, и Святаго Духа во веки веков. Аминь. Святитель Тихон (в миру Василий Иванович Белавин) родился 19 января 1865 года. С ранних лет отец брал мальчика с собой на службу, и любовь к храму стала неотъемлемой частью его жизни. Образование он получил в духовном училище родного города, а затем в Псковской Семинарии и Петербургской Духовной Академии. В 1888 году Василий Белавин закончил академию и был направлен в псковскую семинарию преподавать догматику, нравственное богословие и французский язык. В 1891 году молодой учитель принял постриг с именем Тихон в честь святителя Тихона Задонского. Рукоположенный в сан иеромонаха он через год был переведен в Холмскую семинарию, где был назначен инспектором. В декабре 1898 года епископ Тихон был назначен на Алеутско-Американскую кафедру, которая находилась в Сан-Франциско. В 1905 году святитель Тихон был возведен в сан архиепископа, а через два года после этого переведен на одну из самых почетных в России кафедр – Ярославскую. В 1913 году архиепископа Тихона перевели в Литовскую епархию – в Вильно. Здесь владыку застала война. По распоряжению Святейшего Синода архиепископ Тихон переехал в Москву, привезя с собой мощи святых Виленских чудотворцев, но вскоре из Москвы перебрался ближе к своей пастве, почти на линию фронта. После февральской революции вместе с другими архипастырями архиепископ Тихон был уволен обер-прокурором В.Н. Львовым из Синода. 23 июня 1917 года святой Тихон был избран волеизъявлением церковного народа на Московскую епархиальную кафедру, после чего Синод удостоил его сана митрополита. Поместный Собор, открывшийся 15 августа 1917 года, избрал митрополита Тихона своим председателем, а вскоре после этого, 21 ноября 1917 года, он был возведен на восстановленный патриарший престол. В первом обращении к всероссийской пастве Патриарх Тихон характеризовал переживаемую страной эпоху как «годину гнева Божия»; в послании 19 января 1918 года им выражены архипастырская озабоченность положением Церкви, осуждение кровавых беспорядков. Летом 1921 года, после ужасов гражданской войны, русский народ постигло еще одно бедствие: голод. 19 февраля 1922 года патриарх Тихон призвал церковные советы жертвовать драгоценные церковные украшения, если только они не имеют богослужебного употребления. Однако 23 февраля ВЦИК издал декрет об изъятии церковных ценностей на нужды голодающих. Патриарх отреагировал на декрет новым послание к пастве, в котором заявил о недопустимости изъятия священных предметов, «употребление коих не для богослужебных целей воспрещается канонами Вселенской Церкви». В разных городах страны были возбуждены уголовные дела. Священнослужители обвинялись в повиновении своему Патриарху, в оглашении его Воззвания, в попытках договориться с властями о замене денежным выкупом выдачи церковных святынь, а иногда и в том, что не выдерживая кощунственного поведения в храмах агентов власти, позволявших себе самые непристойные формы надругательства над святынями, они не оставались к нему равнодушными. В годы гражданской войны в среде духовенства произошло расслоение: появились обновленческие группировки, призывавшие к революции в Церкви. Давая отпор антиканонически модернистским посягательствам, патриарх Тихон 4 ноября 1921 года в особом послании к пастве подчеркивал недопустимость богослужебных нововведений. В мае 1922 года патриарх был заключен под стражу в Донском монастыре, а в июне 1923 года он был освобожден. В этот период в результате разрушительных действий раскольников-обновленцев церковное управление оказалось обезглавленным: многие архиереи были изгнаны с кафедр, большинство храмов захвачено обновленцами, церковный народ повержен в смятение. После освобождения испод ареста, патриарх Тихон обратился к пастве с посланием, заявив, что «Российская Православная Церковь аполитична и не желает… быть ни белой, ни красной Церковью. Она должна быть и будет Единою, Соборною, Апостольскою Церковью». 23 марта (5 апреля) 1924 года патриарх издал новое, краткое, но содержательное Послание, обличающее тяжкие преступления вождей обновленческого раскола. В этом Послании на основании церковных канонов и от имени Русской Православной Церкви патриарх подверг обновленцев каноническому запрещению и подтвердил, что они, впредь до раскаяния, находятся вне общения с Церковью. 23 марта (5 апреля) Святейший Тихон служил свою последнюю литургию в церкви Большого Вознесения на Никитской. 25 марта (7 апреля) 1925 года, в день Благовещения Пресвятой Богородицы, патриарх Тихон преставился ко Господу. В 1989 году Архиерейским Собором Русской Православно Церкви, святитель Тихон, патриарх Московский и всея Руси был причислен к лику святых. Патриарх Тихон обладал даром прозорливости, он многим предсказал будущее. Сам он, конечно, часто будущее предвидел и навык вручать себя, судьбу Церкви, паствы, всех своих ближних воле Божией, которой он всегда был верен и всегда ее искал. И верил, что воля Божия одна только может управить Церковью, она одна спасительна. Мощи святителя Тихона покоятся в Большом Донском соборе Донского монастыря. Величание Величаем тя, святителю отче Тихоне, и чтим святую память твою: ты бо молиши за нас Христа Бога нашего. Молитва святителю Тихону, патриарху Московскому и Всея России О пастырю наш добрый, святый великий патриарше Тихоне, яко град горний ты явился еси, добрая дела твоя и доныне светятся пред человеки. Вемы, яко ты, предстоя Престолу Пресвятыя Троицы, велие имаши дерзновение в молитвах пред Господем. Воззри и ныне на нас грешных и недостойных чад твоих, к тебе бо яко имущему велие дерзновение пред Творцем всяческих, ныне припадаем и усердно молимся: умоли Господа, да подаст нам решимость стяжати благочестие отцев наших, егоже ты стяжал еси от юности твоея. Ты в житии своем ревностный защититель и хранитель истинныя веры был еси, помози и нам незыблему соблюсти веру православную. Тихая бо душа твоя зело преуспела в Божественном смиренномудрии, научи и нас разум наш питати не многомятежною мудростию человеческою, но смиренным познанием воли Божией. Ты пред лицем лютых врагов Христовых истиннаго Бога дерзновенно исповедал еси, молитвою своею укрепи нас, малодушных, да и мы всегда и всюду противостанем духу безбожия и льсти. Ей, угодниче Божий, не презри нас, молящихся тебе, ибо не токмо от бед и скорбей избавление просим, но силы и твердости, великодушия и любве просим, дабы переносити оныя напасти, возстающия на ны. Испроси нам неослабное терпение даже до конца жития нашего, мир с Господом и грехов отпущение. Отче святый! Укроти в стране нашей ветры неверия и смуты, да водворит Господь на земли Российстей тишину и благочестие и любовь нелицемерную. Молитвами твоими да сохранит ю от междоусобныя брани, да укрепит святую Церковь нашу Православную, да не оскудеет она истинными пастырями, добрыми делатели, право правящими слово евангельской истины. Упаси и заблуждшия овцы стада Христова. Наипаче же моли Господа сил, да возродится Русская земля святым покаянием и единым сердцем и едиными усты прославит дивнаго во святых Своих Бога в Троице славимаго Отца и Сына и Святаго Духа во веки веков. Аминь. Все молитвы святителю Тихону, патриарху Московскому и всея РусиПамять: 25 января / 7 февраля (если день - воскресение), либо в ближайший воскресный день, предшествующий или последующий 25 января (Собор новомучеников и исповедников Российских), 25 марта / 7 апреля (преставление), 26 сентября / 9 октября (прославление), 5 октября / 18 октября (Собор Московских святителей)Святитель Тихон – ревностный архипастырь и миссионер, которого в Америке именуют "апостолом Православия". Возглавил Русскую Православную Церковь в годину революционного хаоса и репрессий. Пережил аресты и преследования, благодаря нему было преодолено обновленчество. Небесный покровитель клира, монахов-просветителей, миссионеров и катехизаторов, Православного Свято-Тихоновского гуманитарного университета. К нему обращаются в молитве за помощью в различных искушения и гонениях, приобретения твердости веры, для вразумления неверующих и сектантов, дарования разумения в учебе. Святитель Тихон, патриарх Московский и всея Руси***Тропарь святителю Тихону, патриарху Московскому и всея Руси, глас 1Апостольских преданий ревнителя и Христовы Церкве пастыря добраго, душу свою за овцы положившаго, жребием Божиим избраннаго Всероссийскаго Патриарха Тихона восхвалим и к нему с верою и упованием возопиим: предстительством святительским ко Господу Церковь Русскую в тишине соблюди, расточенная чада ея во едино стадо собери, отступившия от правыя веры к покаянию обрати, страну нашу от междоусобныя брани сохрани и мир Божий людем испроси. Кондак святителю Тихону, патриарху Московскому и всея Руси, глас 2Тихостию нрава украшен, кротость и милосердие кающимся являяй, во исповедании Православныя веры и любве ко Господу тверд и непреклонен пребыл еси, святителю Христов Тихоне. Молися о нас, да не разлучимся от любве Божия, яже о Христе Иисусе, Господе нашем. Молитва святителю Тихону, патриарху Московскому и всея РусиО пастырю наш добрый, святый великий патриарше Тихоне, яко град горний, ты явился еси, добрая дела твоя и доныне светятся пред человеки. Вемы, яко ты, предстоя Престолу Пресвятыя Троицы, велие имаши дерзновение в молитвах пред Господем. Воззри и ныне на нас грешных и недостойных чад твоих, к тебе бо, яко имущему велие дерзновение пред Творцем всяческих, ныне припадаем и усердно молимся: умоли Господа, да подаст нам решимость стяжати благочестие отцев наших, егоже ты стяжал еси от юности твоея. Ты в житии своем ревностный защититель и хранитель истинныя веры был еси, помози и нам незыблему соблюсти веру православную. Тихая бо душа твоя зело преуспела в божественном смиренномудрии, научи и нас разум наш питати не многомятежною мудростию человеческою, но смиренным познанием воли Божией. Ты пред лицем лютых врагов Христовых Истиннаго Бога дерзновенно исповедал еси, молитвою своею укрепи нас, малодушных, да и мы всегда и всюду противостанем духу безбожия и льсти. Ей, угодниче Божий, не презри нас, молящихся тебе, ибо не токмо от бед и скорбей избавление просим, но силы и твердости, великодушия и любве просим, дабы переносити оныя напасти, возстающия на ны. Испроси нам неослабное терпение даже до конца жития нашего, мир с Господом и грехов отпущение. Отче святый! Укроти в стране нашей ветры неверия и смуты, да водворит Господь на земли Российстей тишину и благочестие и любовь нелицемерную, молитвами твоими да сохранит ю от междоусобныя брани, да укрепит святую Церковь нашу Православную, да не оскудеет она истинными пастырями, добрыми делательми, право правящими слово евангельския истины. Упаси и заблуждшия овцы стада Христова. Наипаче же моли Господа сил, да возродится Русская земля святым покаянием и единым сердцем и едиными усты прославит дивнаго во святых Своих Бога, в Троице славимаго Отца и Сына и Святаго Духа во веки веков. Аминь. |
Читайте: |
---|
Новое
- «31 спорный вопрос» русской истории: житие императора Николая II
- Лечебные свойства корня лопуха и его широкое применение в домашних условиях
- Природные ресурсы западной сибири
- Совместимость петуха и змеи в любовных отношениях и браке Он петух она змея совместимость
- Чемерица черная: прекрасная и опасная Противопоказания и побочные действия
- Чем интересна Свято-Михайло-Афонская Закубанская пустынь?
- Порционная сельдь под шубой на праздничный стол
- К чему снится шить во сне
- Примета — разбить зеркало случайно: что делать, если оно треснуло
- Самостоятельные заговоры на удачу и деньги